Lyrics Of Rah-e-Talab Mein Kaun from Habib Wali Mohammed Collection 1

rah-e-talab main kon kisi ka apnay bhe baiganay hain
chand sa mukhra zulf-e-ghizalan sab janay pehchanay hain

tanhai si tanhai hay kaisay kahain kaisay samjhaeeen
chashm-o-lab-o-rukhsaar ki teh main roohon kay weranay hain

uf ye talash-e-husn-o-haqeeqat kis ja tehray jaeen kahan
seh-e-chaman main phool khilay hain sehra main dewanay hain

bilaakhir thak haar kay yaroon ham nay bhe tasleem kia
apni zaat say eshq hay sacha, baqi sab afsanay hain

Song Details

Report Correction?