Search Results for 'kiss'
shikwah na kissi se milney ka kya karain hum
do harf lafz dill main hain woh be judha judha
93 chars (1 sms)
chandni raat k hatho pay sawar utri hai.
koi khushbu meri dehleez k paar utri hai.
iss main kuch rang bhi hain ,
khaab bhi khusbuain bhi.
jhilmilati huwi khwahish bhi, aarzoain bhi.
issi khushbu main kayi dard bhi afsaanay bhi.
issi khushbu nay banaay kayi dewanay bhi.
meray aanchil pay umeedo ki Qataar utri hai.
koi khushbu meri dehleez k paar utri hai.
issi khushbu say kayi yaad k dar kultay hain.
meray pairoo say jo leptay to safar khiltay hain.
yahi khushbu jo meray ghar say utta layi thi.
ab kissi toar palat kar nahein janay daiti.
meri dehleez bulaati hai mujhay loat aao.
yahi khushbu mujhay wapas nahein aanay daiti.
ranj aur dard main doobi yeh bahar utri hai.
koi khushbu meri dehleez k paar utri hai
747 chars (5 sms)
Taraash ke mere baazoo uraan chorh gaya
Hawa ke pass burahna kaman chorh gaya
Rafaqaton ka meri usko dhyan kitna tha
Zameen leli mager aasman chorh gaya
Ajeeb shakhs tha barish ka rung dekh ke bhi
Khule dareeche pe ik phool daan chorh gaya
Jo baadlon se bhi mujhko chupaye rakhta tha
Barhi hai dhoop tou be-sayeban chorh gaya
Nikal gaya kahien andekhe panion ki taraf
Zameen ke naam khula baadban chorh gaya
Uqaab ko thi garz faakhta pakarne se
Jo girr gayi tou yunhi neem jaan chorh gaya
Najane konsa aaseb dil mein basta hai
Ke jo bhi thehra woh makan chorh gaya
Aqab mein gehra samnder rahe saamne jungle
Kiss inteha pe mera meherban chorh gaya--
679 chars (5 sms)
Hum Akele The Akele Hi Reh Jaate Hai,
Dil Ka Dard Kisse Dikhaaye,
Marham Lagane Wale Hi Zakhm De Jaate Hai,
Waqt To Humey Bhula Chuka Hai,
Muqaddar Bhi Na Bhula De,
Dosti Dil Se hum Isiliye Nahin Karte,
Kyunke Darte Hai,Koi Phir Se Na Rula De,
Zindagi May Hamesha Naye Log Milenge,
Kahin Ziyada To Kahin Kam Milenge,
Aitbaar Zara Soch Kar Karna,
Mumkin Nahi Har Jagah Tumhe Hum Milenge.
Khushbo Ki Tarah Aapke Paas Bikhar Jayenge,
Sukon Ban kar Dil Me Utar Jayenge,
Mehsoos Karne Ki Koshish To Kijiye,
Door Hote Hoye Bhi Pass Nazer Aayenge
565 chars (4 sms)
teri yaad mein jeetey jeetey aik zamana beet gaya
hum ko apney app se bichrey zamana beet gaya
pani ke pardey par tum ne naam wafa ka likha tha
pani ki lehroon ko taktey aik zamana beet gaya
ankhoon mein kuch khwab basa kar hum ne jeena chaha
ankhoon mein khwaboon ko sulagtey aik zamana beet gaya
jatey jatey phir milney ki aas na detey acha tha
phir milney ki aas mein jaltey jaltey aik zamana beet gaya
kon suney faryaad kissi ki kon kissi ka dard sahe
apne app se batein kartey aik zamana beet gaya!!
521 chars (4 sms)
batata hai mujhe aiyna kesey berukhi se
ke mein mehroom hota ja raha hoon roshni se
kisey ilzaam doon mein raigaan honey ka apney
ke sarey fesley mein ne kiye khud hi khushi se
har ik lamha rehti hai taza aik shikaiyat
kabi tujh se kabi khud se kabi iss zindagi se
mujhe ab tak bahot khawaish thi khud se guftagu ki
mein chupta phir raha hoon ajj apney app hi se
jo chahe wo sitam mujh par rawa rakhey ye duniya
mujhe yun be tawaqo ab nhin kuch be kissi se!!!
476 chars (3 sms)
zakham_e_tanhai mein khushboo_e_hina kiss ki thi
saya dewaar pe mera tha sada kiss ki thi
oss ki raftaar se lipti rahi meri ankhiein
oss ne mur kar be na dekha ke wafa kiss ki thi
waqt ki tarah dabey paoon ye kon aya hai
mein andhera jisey samja wo qaba kiss ki thi
ansoo se hi sahi bhar gaya daman mera
haath toh mein ne uthaye the doua kiss ki thi
meri ahoon ki zuban koi samajta kesey
zindagi itni dukhi mere siwa kiss ki thi
agg se dosti oss ki thi jala ghar mera
di gayi kiss ko saza aur khata kiss ki thi
mein ne binaiyaan bo kar be andhere kaatey
kiss ke bus mein thi zameen abr_o_hawa kiss ki thi
630 chars (4 sms)
hadsoon ki duniya mein kon kiss ko rota hai
yaad kar ke dukh apney khoon dil ka hota hai
amad_e_baharan par roye khoob roye hum
dard yoon be thamta hai dard yoon be hota hai
app ki nigahoon mein wo be hogaye mujrum
jin ki begunahi par asmaan be rota hai
khaak mein milein akhir sub riyaztein oss ki
jagney se kya hoga jub naseeb sota hai
naqsh subt hotey hein dil mein bewafai ke
naaz jin pe kartey hein maan jin par hota hai
dil mein kitney tufaan hein purskoon chehra hai
janey wo Sameer apney dukh kahan samota hai!!
540 chars (4 sms)
Zindagi guzar gayi Dil ko samjhaane mein....
Pyaar ke un kisso ko bhulaane mein....
Samajh baithe the jisse zindagi apni....
Woh shaamil thi meri barbaadi kaa jashn manaane
175 chars (2 sms)
najaney kyoon guzrey zamaney yaad atey hein
kyoon ye puraney zakham phir mujhe statey hein
har chehrey mein chupa hai chehra un ka
nazar milaney se hum issi liye katratey hein
kub hoti hai rahat dil ko iss tarah se
ke tera naam le kar hum kissi aur ko bulatey hein
yoon toh roney ko umar de gaya wo
lekin gham oss ke sehney se hum kub ghabratey hein
ghar se be ghar kiya tha jin logoon ne humein
suna hai phir mujhe wapas bulatey hein
apney naseeb mein hai aik baar wisaal un ka
mere naseeb issi liye tujhe baar baar azmatey hein
in ankhoon ko nhin ab naseeb unein dekhna
kya karein wo mere khwaboon mein aa jatey hein!!
645 chars (5 sms)
teri yadoon ke bina koi lamha guzara nhin
ik pal nhin jub tumein hum ne pukara nhin
meri nakamiyun ka itna be gham na ki jiye
agar app jeetey hein toh mein hara nhin
ye naqsh_e_dard kesey utara jayein chehrey se
mein ne abi app ka gham dil se utara nhin
tere bin yoon kat rahi darya_e_zindagi mein
kashti be hai maaji be hai kinara nhin
kar rakha hai jiss ne sarey ghar mein ujala
ansoo hein mera ye koi toota houa tara nhin
kiss ko galey laga ke royein namuraad hum
iss bhari duniya mein apna koi sahara nhin
mareez_e_ishq hai tamanai khudkushi ka ab
gehrey hein dil ke zakham aur koi chara nhin!
623 chars (4 sms)
kub kon kissi ka hota hai
sub jhote rishte natay hain
sub dil rakhne ki baten hain
sub assli roop chupate hain
ikhlas se khali log yehaan
lafzoon k teer chalate hain
ik baar nighahoon main akar
fir sari umr rulatey hain
227 chars (2 sms)
Jo mausam beet jata hai dobara kyon nahin ata
kahin se laut ker bachpan hamara kyon nahin ata
yahan anay ko to har din kissi ke saath ata hai
jesay is dil ne reh reh kar pukara kyon nahin ata
who jis ki lo mohabbat ki jabeen ka istara thi
to phir rstay hamary mein wo roshan sitara kyon nahin ata
bohat hairat hai ab baaghon mein jab kaliyan chatakti hain
hamary dehyan mein lehja tumhara kyon nahin ata
kabhi phelay hoay pairon se jab kirnein jhalakti hain
tasawur main un ankhoon ka ishara kyon nahin ata
bhatakta phir raha hoon din ke is weraan jangal mein
mehakti sham ka rangeen kinara kyon nahin ata
627 chars (4 sms)
Tum Nay To Yeh Keh Diya Kay Muhabbat Nahi Mili
Mujh Ko To Yeh Kehney Ki Bhi Fursat Nahi Mili
Neendon Kay Daiss Jatey ,Koi Khawab Dekhtey
Lekin Deya Jalaney Se Fursat Nahi Mili
Tujh Ko To Khair Shehar Kay Logon Ka Dar Tha
Aur mujh Ko Apney Gher Se Ijazat Nahi Mili
Phir Ekhtalaf-e-rai Ki Soorat Nikal Pari
Apni Yahan Kissi Say Bhi Aadat Nahi Mili
Bay-Zaar Youn Huway Kay Teray Eahhad Mein Humein
Sub Kuch Mila Sakoon Ki Dolat Nahi Mili
453 chars (3 sms)
Her jaanib samundar hai
Kinaara kiyun nahi milta..
Mere Maula bataa
Mujhko sahaara kiyun
nahi milta..
Mujhe is shehar mein din bhar
Hazaaron log milte hein..
Jissay mein doondnay nikla
hoon woh pyaara kiyun
Nahi milta..
Jissay Chaha, Jissay Pooja,
Jissay Socha, Jissay Likha,..
Mere Maula mera us se
Sitaara kiyun nahi milta..
Bohat hi door hai manzil Bhatakna
hai kab Talak,
Yah Rab..
Kissi ki Ankhon ka mujhko
Ishara Kiyun Nahi Milta...
457 chars (3 sms)