Lyrics Of Ye Udas Udas Thandak from Munni Begum 3

Ye udaas udaas thandak jo aseer hai pavan mein
Kahin bijliyaan na bhar de, kisi gosha-e-chaman mein,

Main liye liye phiraa huun, gham-e-zindagi kaa laasha
Kabhi apni khilvaton mein, kabhi teri anjuman mein,

Yeh ajeeb fasl-e-gul hai, ke kisi bhi gul ki rangat
Na janchi meri nazar mein, na rachi tere badan mein,

Sar-e-daar bhi pukara, lab-e-baam bhi sadaa di
Main kahaan kahaan na pohuncha, tere deed ki lagan mein,

Meri muflisi se bach kar, kahin door jaane waale
Ye sukun na mil sakega,tujhe reshami kafan mein,

Main liye liye phira hun gham-e-zindagi ka laasha
Kabhi apni khilwaton mein kabhi teri anjuman mein,

Tere gham mein bah chuka hai mera ek ek aansu,
Nahi ab koi sitaara jo chamak sake gagan mein,

Main Qateel woh musafir hun jahaan-e-bebasi ka
Jo bhatak ke rah gaya hai kisi ajnabi watan mein!

Song Details

Report Correction?