me ne her dor me bus us se mohbat ki he
jurm sangeen hy ab is me riayat kesi?

ik patta bhi agr shaakh se juda hota hy
kia kahon dil pe guzarti hy qyamat kesi?

zindagi tujhko to lamhoon ka safar kehty thy
raah me aa gai sadiyoun ki musafat kesi?

hawa k dosh pe rekhy huy chiragh thy hum
jo bujh gaye to hawaon se shikayat kesi???

har aik lab pe hain meri wafa k afsaney
terey sitam ko abhi lazaval hona hai

tumhein khabar hi nahin tum to laut jao gey
tumharey hijr mein lamha bhi saal hona hai

hamari rooh per jab bhi azab utrein gey
tumhari yaad ko uss dil pe dhaal hona hai

har aik shakhs chaley ga hamari rahon per
muhabbaton mein humein woh misaal hona hai

zamana jis k khum-o-paich mein ulajh jaye
hamari zaat ko aisa sawal hona hai

wasi yaqeen hai mujh ko woh laut aaye ga
usey bhi apney kiye ka malaal hona hai...

tum bhi post ker lo
tumhari collection bhi buhet achi hai

jeene ke liye socha hi nahin, dard sambhalne honge
muskurayen to, muskurane ke karz utaarne honge
muskuraaoon kabhi to lagta hai
jaise honton pe karz rakha hai

aaj agar bhar aai hain, boondein baras jaayengii
kal kya pata inke liye aankhen taras jaayengii
jaane kab gum hua kahaan khoya
ek aansoo chhupaake rakhaa thaa

zindagi tere gham ne hamein rishte naye samjhaaye
mile jo hamein dhoop mein mile chhaon ke thande saaye..

Buhet zaberdast Ghazal hai

Kuch waqat achca guzra hai sath tumare
who waqat jab yaad aay tu lout ana,

Yahe waqat akser sath nai dete dil walon ka,
pas reh kar b ager koi sath na de tu lout ana,

Na jane teri itni yad q atti hai,
Ager yahe pegaam pohnch jaye tu lout ana,

Juda hone ki koshish bhi mat karna mujhse
Jeene ka mere paas phir koi bahana bhi nahin

Aapko hi maan liya hai sab kuchh
Ab kisi aur ki mujhe aarzoo bhi nahin

Aapko hogi shayad kisi aur ki talaash
Ek aapke siwa meri koi justuju bhi nahin

Bas aapko de diya Haya ne maqaam dil main
Kisi aur ke liye ismain Gunjaayish bhi nahin

Ho gaya koi meharvan sa kya
Ranj ka bandh gaya sama sa kya

tak rahe hain khala me ham kisko
ban raha hai wo ek nesha sa kya

bastiya, kab ki ho chuki barbad
dil ko gam phir bhi nigha sa kya

silsila kuch udsiyon ka bhi
jagmagata hai kahakasha sa kya

Ham bhi ache hain,dard bhi kam hai
Dil se utha magar ye dhuvan sa kya

Ye mohabbat hai ya koi tilisim
picha karta hai ek guma sa kya

tere qadmon ki aahat say dharkta hai dil
main zinda hoon kabhi mujhay hila kar to dekho

phool bankay bichh jaoungi tumhari rahhon main
ek baar mujhay seenay say laga kar to dekho

bhool jaogay tum dunia bhar ki ronako ko
kabhi mere soonay ghar main aa kar to dekho

mehak utthogay tum gulaab ki tarha dekhna
kisi roz mujhay apnay tan say laga kar to dekho

ho jaogay tum komal say pawan or nirmal
kabhi mere aasuon main naha kar to dekho

door kar doongi main andhray teri zindagi kay
deye ki tarha kabhi mujhay jala kar to dekho

ham ko dee hai jo tunay pyar bhari dunia
kabhi fursat milay to us main aa kar to dekho

Koi aisa ahl-e-dil ho ke fasaan-e-muhabaat
main use suna ke rowoon ,woh mujhe suna ke roye

Meri Aarzoo ki duniya,dil-e-naatawan ki hasrat
jise kho ke shaadman the use aaj pa ke roye

teri bewafaiyon pe ,teri kaj adaiyon pe
kabhi sar jhuka ke roye, kabhi moonh chhupa ke roye

jo sunai anjuman mein shab-e-gham ki aap biti
kai ro ke muskuraye ,kai muskura ke roye...