Lyrics Of Tere Khiyal Se from Best of Pak Ghazal 1

tere khayal se lau de uthi hai tanhayee
shab-e-firaaq hai ya teree jalwa aaraayee

tu kis khayaal mein hai manzilon ke shaidaayee
unhe bhi dekh jinhay raastay mein neend aayee
shab-e-firaaq----

pukaar aey jaras-e-kaarwaan-e-subh-e-tarab
bhatak rahain hain andheron mein tere sauodayee
shab-e-firaaq ----

rah-e-hayaat main kuchh marhalay to dekh liye
yeh aur baat teree aarzoo na raas aayee
shab-e-firaaq ----

yeh saaneha bhi muhabbat mein baarha guzraa
ke us ne haal bhi poochha to aankh bhar aayee
shab-e-firaaq ----

phir us ki yaad mien dil be-qaraar hai naasir
bichhad ke jis se huwee shahar shahar ruswaayee
shab-e-firaaq

Song Details

Report Correction?