Search Results for 'se'
Mujhay tum yaad aatay ho
Muqaddar k sitaaron per
Zamaaney k ishaaron per
Udaasi k kinaaron per
Kabhi veeraan sheyhron mein
Kabhi sunsaan raston per
Kabhi hairaan aankhon mein
Kabhi be-jaan lamhon per
Tumhaari yaad chupkey se
Koi sargoshi kerti hai
Yeh palkain bheeg jaati hain
To aansu toot girtey hain
Hum palkon ko jhukatay hain
Ba-zaahir muskuratey hain
Faqat itna hi kehtay hain
Mujhey kitna satatey ho
Mujhey tum yaad aatey ho
Mujhey tum yaad aatey ho...!
512 chars (4 sms)
Izzaton say barh ker to aur kuch nahi hota
Chahton ki durri bhi,
Torna hi parti hai
Manzilon ki kashti bhi,
Morna hi parti hai
Bhoolna hi parta hai,
Khud say piyare lougon ko
Aur dil ke aangan mein,
Naqsh un ki tasweerain
Kuch haseen lafzon ki,
Kuch haseen tehreerain
Paaon jin mein jukrain hoon,
Kholna hi parti hain..
Khoobsurat aankhon mein basnay walay khawabon ko
Nochna hi parta hai
Dil se milta her rishta torna hi parta hai...
Kyun ke....
Izzaton se barh ker to aur kuch nahi hota....!
510 chars (4 sms)
Teri yadoon ki mehak
Sath liye akser hum
Door khuwaboo k jazeeray main uter jatey hain
Kyun k main janta hon
Hum aur tum
Sirf khuwaboo main he mil saktey hain
Mainay socha hai is baar tumharay humraah
Aik aisi jaga utroonga
Aur tumhain apnay paas bitha ker
Aankho main aakhain daal ker
Bari himmat ker k tum say keh donga
Tumsay keh donga k tum meri ho
Tum jo chahho to
Meri yakterfa muhabbat ko sahara dey do
Zindagi yun to bohut thori hai muhabbat k liye
Tum jitna bhi piyaar mujhay dey sako sara dey do
Kuch to bolo
Kuch to bolo
Kahin aisa na ho k sehar hotey he hum wapis us dunya mian lout jain
Bus yehi chund khiyalaat liye
Teri yadoon ki mehak sath liye
Akser hum door khuwaboo k jazeray main uter jatey hian
Kyun k hum aur tum sirf khuwaboo main he mil saktey hain
794 chars (5 sms)
mai hawa ka jhonka hun
mujhe pakadne ki koshish mar karna.....
ek khwab hun .....
ik khwab hun is khwab se pyar mat karna......
malum nahi mujhe
kisi or hai meri manzil
bas unhi guzarta raha unki galiyon me
ek berukh jhonke ki tarah.......
246 chars (2 sms)
Kabhi khud hi mere pass aa
Meri baat sun mera saath de
Jo khlish hai dil se nikal kar
Muje uljhanon se nijat de
Tujhe sochna mera mashgala
Tujhe dekhna meri arzoo
Muje din de apne khayal ka
Mujhe qurb ki koi raat de
Meri zindagi mere saath chal
Mere hath mai apna haath de
Muje gham khushi se kabool hain
Tu jo agar mera saath de
340 chars (3 sms)
mujhay fursat hi fursat ha..
mujhay fursat hi fursat ha..
saweirey jald uthna ha..
na shab ko deir se sona..
kahein baahir nahi jana..
kisi se bhi nahi milna..
na koi fikr laahaq ha..
na koi YAAD baaqi ha..
magar ye aakhri misraa..
zara sa jhoot lagta hai..!!
269 chars (2 sms)
kuch ajnabi se loug they kuch ajnabi se hum
duniya mein ho na pai shanasa kisi se hum
dete nahi sujhai jo duniya k khat-o-khal
aai hein tairgi mein mager roshni se hum
yan to her ek kadam pe khala hai hawas ka
ae khizr ! baz aai teri hamrahi se hum
dete hein loug aaj isse shairi ka naam
perhtey they loh-e-dil se kuch ashoftagi se hum
rehti hai anjum aik zamaney se guftugooooo
kerte nahi kalaaaam bazahiiir kisi se hum
439 chars (3 sms)
kehta hi raha tujhse k piyary nahi achay
her waqt yeh palkon pe sitare nahi achay
us roz se mosam bhi bohat talkh huwa hai
jis roz se taiwar yeh tumaray nahi achay
un hi se tu abad hai yeh shahar-e-mohbat
kehte ho jinhain dard k maray nahi achay
es shaher mein tera bhi koi jurm tu hoga
ilzaam meri zaat pe saray nahi achay
aise tu parindon ki yeh hijrat nahi hai
lagta hai k mosam k ishaaray nahi achay
421 chars (3 sms)
Mujhe khabar thi
zamana chahay bura hi samjhe
bhalay se ghar main mukhalfat ho
tumharay logoN ko na-pasand ho
tumhaiN to mujh per yaqeen ho ga
magar mujhay kuch khabar nahi thi
tumhari aaNkhoN ki unsiat bhi
ik ajanabiat se dekhti hai
ye waqt mushkil tareen hai na
suno!
main majboor ho gaya hooN
ye sochne per......... ye poochne per
tumhain to mujh per yaqeen hai na??...
385 chars (3 sms)
choTa sa ik lafz tumhaara
kitna peyaara lagta hai
dil meN khushiyoN ke najaane
kitne phhool khilaata hai
phheeke se be.kaif se din meN
shokhi ke rang sajaata hai
jab eid ke din ik card mile
uss par hoN surkh gulaab bane
jis ke andar sab se neeche
likhne waale ne likha ho
tum ko dil se chaahne waala
sirf tumhaara
tab
choTa sa ik lafz tumhaara
kitna peyaara lagta hai..
385 chars (3 sms)
koi pegam na hi DUA koi
is Qadar hm se hai khafa koi,
ay DIL un se na koi shikwa krna,
hm he se hui ho gi khata koi
142 chars (1 sms)
Youn to hAin Bay shumar wafa ki Nishaniyan
Lakin
hAr ik shAy se nirAlay tumhArAy khAt.
103 chars (1 sms)
parhna Hai to insanon ko Parhne Ka Hunar Sikho
Har ek Chahre Pe Likha Hai Kitabon se Ziada.
97 chars (1 sms)
Wo tum na thay ik khayal tha..
meri soch ka hi ik kamal tha..
Wo mohabbatain wo chahatain..
meri uljhanon ka hi jaal tha..
mere dil mein thien jo ronaqain..
wo tera hi husn-o-jamal tha..
mujhe jawab jis ka mila nahi..
wo aisa hi ik sawal tha..
use yaad kaise na karain hum..
use bholna tou muhal tha..
wo aj gaya tou ahsas hua..
kis kadar mujhe us se pyar tha..
ab uss ki kia main misaal don..
WO AP APNI MISAAL AP THA....!!!!
442 chars (3 sms)
Hamare sabra ka ya rab! koi inaam ho jaye
are rukh se hate parda or hamara kaam ho Jaye
bharam rakhna hai saqi ka gire hai dagmaga kar hum,
agar hum hosh mai rah jaye wo badnaam ho jaye,
hamara naam to aaye kabhi najuk si hotho pe
koi pegaam na bhejo koi iljaam ho jaye,
nikal aaye jo shab ko bhi to roshan ho sabhi manjar,
bikhre julf to din mai gahri shaam ho jaye
karamat de mere maula mere fun ko, zara kuch yu jo utre un ki aankho mai idhar unka ilhaam ho jaye,
koi pahucha de apni arz ko un tak kabhi Rahul,
hamari har gazal unke liye paigaam ho jaye
577 chars (4 sms)